Á hora de configurar diferentes métodos de pagamento en WooCommerce é posíbel que queiras agregar unha comisión ou recarga a un deles para compensar os custos de utilizalo.

É dicir, na túa tenda online podes ofrecer o teu cliente varias formas de pagar e aumentar nunha delas un pouco o custo, pois a súa utilización é menos rendíbel para ti.

Antes de seguir recoméndoche que comprobes que isto está permitido na lexislación do teu país, e que o método de pagamento correspondente non o teña estritamente prohibido nas súas condicións de uso.

Se algunha das opcións anteriores é afirmativa, francamente evitaría utilizar esta solución e simplemente eliminaría esa pasarela de pagamento.

Se pola contra si está permitido, mostrareiche o xeito de facelo. É moi sinxelo, curto e intuitivo.

Acompáñame!

Establece unha recarga por forma de pagamento na túa tenda online

Para poder aplicar a recarga de xeito individual, e que ese sobrecusto non afecte a todas as pasarelas que teñas configuradas, debes instalar o plugin Woocommerce Pay for Payment.

Este plugin, que podes descargar de xeito gratuíto desde o repositorio de WordPress, permíteche facer exactamente o que buscamos. É dicir, engadir cargos individuais para cada método de pagamento.

Ademais, poderás elixir se queres unha tarifa fixa, unha tarifa porcentual sobre o total do carriño ou ambas á vez.

Como configurar a comisión por cada método de pagamento

O plugin non ten configuración adicional. Unha vez instalado, debes acceder á forma de pagamento na que queiras engadir a comisión e verás que aparecen unha serie de novos campos que antes non estaban.

• Título do artigo: a etiqueta que identificará a recarga na páxina de pago.
• Cargo fixo: cifra concreta adicional que se engadirá ao total por escoller este método de pago.
• Cargo en porcentaxe: porcentaxe do total do carriño que se engadirá por escoller este método de pago.
• Cargo mínimo: selecciona un cargo mínimo que se aplicará sempre. Se deixas 0, non se aplicará.
• Cargo máximo: selecciona un cargo máximo que se aplicará sempre. Se deixas 0, non se aplicará.
• Desactivar en envío gratuíto (Disable on Free Shipping en inglés): a cota non se cargará se está activado o envío gratuíto.
• Desactivado en envío gratuíto  (Disable on Zero Shipping en inglés): a cota non se cargará se o envío é cero.
• Impoñible: a cota extra é impoñible.
• Impostos incluídos: se non marcas esta opción, os impostos da comisión calcularanse a maiores.
• Clase de imposto: escolle o imposto correspondente que se aplicará. Se non lembras como se configuran, bótalle unha ollada a como se configura Woocommerce como un profesional.
• Cotas: marca a opción se queres que as comisións aplicadas se incluan no cálculo porcentual da recarga.
• Cupóns: marca a opción se os cupóns se incluen no cálculo porcentual da recarga.
• Envío: marca a opción se o envío se inclue no cálculo porcentual da recarga.
• Impostos: marca a opción se os impostos se incluen no cálculo porcentual da recarga.

Engadir unha comisión para  Paypal

Teño que dicir que o caso práctico que máis me atopei é a aplicación dunha comisión para quen elixa PayPal como método de pago.

Pero coidado, Paypal prohibe explicitamente esta práctica. Coméntocho para que o teñas en conta.

Se aínda así queres establecer a recarga, debes coñecer primeiro cales son as comisións que che cobrará a ti PayPal polo seu uso na túa tenda en liña: 2,9% + 0,35€ por transacción.

Conclusión

Xa ves que con este  plugin poderás aplicar diferentes comisións segundo o método de pagamento que elixa o cliente.

Non falla, pero úsao con coidado.

Ademais de que poida que non sexa legal segundo a normativa, ou que a pasarela correspondente o prohiba, o cliente verá esta comisión como unha contrariedade e se non estaba moi convencido de mercar… poida que perdas a venda.

O mellor será probar e ver como responden os usuarios para saber se che compensa ou non.

Se o probaches, dime que opinas.