"A miña propia web foi a máis complexa de todas. Tomar decisións sobre un mesmo é moi complexo"

Montar un negocio por conta propia e facer que dure xa case unha década non é nada doado. Hai que ser especialista nalgunha disciplina que resolva problemas, e facelo con constancia e estratexia. Ademáis, é preciso ter ese espírito inquedo do emprendedor, que persegue mellorar de xeito constante e avanzar co seu proxecto.

Nesta conversa falamos con Daniel Pereyra, desenvolvedor web e creador da marca Charrúa. Dani acompaña a autónomos e PEMES a ter un escaparate dixital optimizado, seguro e orientado aos resultados.

Dani, ademáis de autónomo, é emprendedor. Desde sempre buscou os xeitos de facer as cousas pola súa conta. Algo que arrastra ata día de hoxe, contando con múltiples proxectos tecnolóxicos paralelos ao seu negocio.

Tratamos como foron os seus comezos como autónomo, a idea do negocio e a evolución do mesmo. Comentamos que características persoais son as máis importantes para sobrevivir cando alguén se lanza a emprender.

Profundizamos na mentalidade do emprendedor e nos erros que en moitos casos se cometen por exceso de análise, caendo na parálise por análise que desincentiva comezar, ou por defecto de análise, non tendo conta o mercado e esnafrándose.

Abordamos o importante que é ter unha marca en Internet e como esa marca se fai un oco e consegue autoridade.

Por último, pedímoslle consellos na súa especialidade: a optimización web e a seguridade para evitar que os malos destrúan o noso escaparate dixital.

Esta conversa é para ti se queres coñecer de primeira man a unha persoa que se lanzou co seu negocio en Internet e conseguiu mantelo a flote, e medrando, durante case unha década.

Queres coñecelo máis? Pásate polo seu LinkedIn.