Seguro que viches os seus produtos no supermercado e atopaches nalgunha ocasión as súas publicacións en redes sociais, onde mostran como viven as súas vacas moOoi felices. O proxecto é Casa Grande de Xanceda e Sara é a súa responsable de Marketing e Comunicación.

Nesta conversa preguntámoslle como se chega a dirixir un departamento como o de Marketing e que camiño percorreu até chegar aquí.

Profundizamos no produto que comercializan mais tamén, e nomeadamente, na filosofía asociada á marca e a súa importancia no marketing e na comunicación: granxa ecolóxica, compromiso co medio e os animais etc. Que impacto teñen eses valores á hora de comunicar?

Abordamos o proceso creativo á hora de levar adiante campañas en redes sociais, como nacen e a arte de crear unha comunidade online.

Por último, pedímoslle consellos para novos creadores e creadoras. Ser visible nun mundo dixital saturado de información e ocio é posible se transmites de xeito xenuino uns valores e un propósito.

Se queres comezar a ter presenza en redes ou mellorar a que tes, nesta conversa escoitarás de primeira man como fan nunha empresa referente na súa comunicación corporativa.

Queres coñecela máis? Pásate polo seu LinkedIn.